Bəzən ayrılığa sevinirəm mən
Bəzən yar həsrəti yandırır, nədən?
Ruhum tir-tir əsir, alışır bədən
Bu nə məhəbbətdi?! Bilə bilmirəm.

Dedilər: məhəbbət yaramaz sənə
Gülün həsrətilə düşmə çəmənə.
Könlünü hicranla dağlayar yenə
Düzmü demişdilər ?! Hələ bilmirəm.
Sızladı gecələr teli könlümün,
Quruyub, solubdu gülü könlümün.
Tutulub, lal olub dili könlümün
Qəlbim heç gələrmi dilə?! Bilmirəm.

Bizi yaradıbdı qoşa təbiət
Sonra ayrılığa yaradıb vüsət.
Həzin-həzin alışıb, yanan məhəbbət
Bəs niyə dönübdü külə?! Bilmirəm.

Dolanır bu ruhum kədərdə-qəmdə,
Mənimlə əriyir alışan şəm də.
Eşqin sarı simi titrəyir bəmdə
Qalxa bilərəmmi zilə?! Bilmirəm.

Məni tənha qoyub getdin dünyadan
Sənsiz bu dünyada dövr etməz zaman.
Uzadıb əlimi mən sənə bu an
Gəlmək istəyirəm, gələ bilmirəm.
26.05.08