Məhəbbət sinəmdə vərəq-vərəqdir
Bu qalın kitabı oxuyan hanı?
Sevgi naxış kimi bəzəyib məni,
Naxışı xalçaya toxuyan hanı? Dəniz sahil üçün çırpınır hər an,
Dağların başını alır sis, duman.
Çəməndə bülbülün dərdindən yanan
Çiçəyin ətrini qoxuyan hanı? Ömür baharımı payız eləyən,
Sevincimə qəm toxumu ələyən,
Gəncliyimi məşəqqətə bələyən,
Qəlbimi odlayan o canan hanı?
23.10.07.
| 
